BNG da Comarca da Costa da Morte :: Últimas novas

Comunicado de prensa ante o acontecido na Comisión Informativa Xeral do Concello de Muxía de 13/07/2026

BNG Costa da Morte — Tue, 14 Jul 2026 21:00:47 +0200

Costa da Morte, 14 de xullo de 2026 . O BNG da Costa da Morte amosa o seu total rexeitamento ante o inaceptábel comportamento do portavoz municipal do PSOE de Muxía, Iago Toba Campaña, durante a celebración este luns 13 de xullo dunha Comisión...

O BNG urxe á Xunta a iniciar os trámites para que a prolongación da AG-55 ata Berdoias se execute ao mesmo tempo que o primeiro tramo entre Santa Eirena e a AC-432

BNG Costa da Morte — Wed, 1 Jul 2026 17:30:02 +0200

A directora da Axencia Galega de Infraestruturas sinala, a preguntas do deputado Oscar Insua, que a Xunta está a traballar na licitación do proxecto construtivo da segunda fase de ampliación da autovía

Insua lamenta que o proxecto non estea redactado despois de que o goberno galego xa o licitara tres veces hai anos. “Tendo en conta que xa existen obras de desmonte no trazado, todo o mundo pensaba que o proxecto estaba feito e só quedaba actualizalo”, subliña o deputado do BNG, que insta a “axilizar a súa tramitación canto antes”

O BNG de Vimianzo apoia á veciñanza de Carnés e Cereixo nunha charla informativa do deputado Oscar Insua sobre o atraso da concentración parcelaria

BNG Vimianzo — Sun, 28 Jun 2026 22:10:28 +0200

O parlamentario traslada aos afectados que o BNG seguirá exixindo á Xunta que poña todos os medios posíbeis para finalizar canto antes o proceso administrativo e que os propietarios poidan recibir os títulos definitivos

O portavoz dos nacionalistas en Vimianzo, Benxamín Queiro, cualifica de “despropósito” o incumprimento coa veciñanza por parte do goberno galego do Partido Popular, “que leva dous anos prometendo o seu remate e non cumpre cos prazos marcados”

O BNG urxe á Xunta a impulsar a construción de vivenda de promoción pública na Costa da Morte

BNG Costa da Morte — Fri, 19 Jun 2026 12:33:45 +0200

O deputado Oscar Insua presenta iniciativas parlamentarias nas que solicita que o Goberno galego realice un estudo sobre a vivenda na comarca, e que leve a cabo unha campaña de información pública naqueles municipios que promovan a inscrición no Rexistro Único de Demandantes de Vivenda en Galiza

Insua manifesta que “o PP incumpre totalmente a lei que aprobou no 2021 de impulso demográfico de Galiza. O art. 29.2 di que tiñan que impulsar programas específicos que faciliten o acceso a unha vivenda de calidade no medio rural e costeiro non urbano e que configuren un factor de competitividade que manteña e atraia poboación, e todo quedou en papel mollado; cero programas feitos polo PP na Costa da Morte”

O BNG pide á Xunta medidas eficaces e contundentes na Costa da Morte e Bergantiños para frear as desfeitas do xabaril nas agras de millo

BNG Costa da Morte — Sat, 13 Jun 2026 23:44:15 +0200

Ante os numerosos episodios que se veñen rexistrando nas dúas comarcas, o deputado Oscar Insua rexistrou varias iniciativas no Parlamento galego co fin de espertar á Consellería: “A Xunta non fai nada, dá a impresión de que non teñen ningunha responsabilidade, e téñena toda; cren que con axudiñas o problema está resolto”

Gandeiros de concellos como Cabana de Bergantiños ou Dumbría están fartos das desfeitas destes animais e de traballar para os xabaríns. “A situación está descontrolada, e os danos van a máis; o PP non pode mirar para outro lado, ten que actuar xa”, sinala Insua

O BNG de Camariñas urxe de novo á Xunta a tomar medidas para a recuperación dos bancos marisqueiros

BNG Camariñas — Thu, 11 Jun 2026 15:11:45 +0200

A través do deputado Oscar Insua presentan por enésima vez unha iniciativa parlamentaria cunha batería de propostas para revivir o sector do marisqueo á pé antes de que sexa demasiado tarde

O BNG denuncia que o PP “nin quere falar das peaxes da autovía AG-55 nin quere eliminalas”

BNG — Fri, 5 Jun 2026 19:04:31 +0200

O deputado Oscar Insua sinala que “xa van trinta anos de aldraxe á veciñanza de Bergantiños e a Costa da Morte, que teñen que seguir pagando unhas peaxes para que a empresa adxudicataria continúe engordando o seu negocio”

O parlamentario do BNG recrimina á Xunta que cale ante as reivindicacións da cidadanía e insista en negar a gratuidade da autovía

O BNG reúnese coas mariscadoras de Camariñas e comprométese a impulsar novas iniciativas ante a parálise da consellería do Mar

BNG Costa da Morte — Mon, 1 Jun 2026 16:27:20 +0200

Os deputados Rosana Pérez e Oscar Insua, membros da comisión de pesca do Parlamento galego, visitaron este luns na praia da Paxariña, na zona de Ariño, ás traballadoras do mar, onde realizaban traballos de acondicionamento das sementeiras. Os parlamentarios volveron a amosarlles o seu total apoio ante a difícil situación do sector, e comprometéronse a seguir trasladando as súas demandas ás institucións

O BNG pide á Xunta que requira a XEAL que free a destrución de postos de traballo e mellore as condicións do cadro de persoal no convenio laboral

BNG Costa da Morte — Fri, 29 May 2026 15:32:19 +0200

O deputado Oscar Insua sinala que a actividade na fábrica de Brens “está totalmente parada, non está en funcionamento ningún forno, polo que estase a xerar unha situación de incerteza tanto entre os traballadores e traballadoras como na comarca”

O BNG consegue activar a restauración do muro derruído do mosteiro de San Martiño de Ozón, en Muxía

BNG Costa da Morte — Fri, 29 May 2026 15:25:27 +0200

Ante a desidia do Concello de Muxía e do Arcebispado de Santiago, que non notificaron a situación de deterioración do conxunto arquitectónico, a insistencia do BNG provoca que se inicien os traballos de redacción dun proxecto técnico para rehabilitar o muro